İlk illər
Peyman Qənbərov Azərbaycanın Astara şəhərində dünyaya gəlib. Uşaq yaşlarından meyxanaya və şeirə böyük maraq göstərib, məktəb illərində ilk şeirlərini yazıb.
Replə tanışlıq
Replə ilk dəfə radioda və dostlarının telefonlarında dinlədiyi xarici ifaçıların trekləri vasitəsilə tanış olub. Azərbaycan repində eşitdiyi ilk sənətçi Hüseyn Dərya idi. HOST kollektivini təsadüfən kəşf etməsi isə yerli repə marağını daha da gücləndirib.
Zamanla Azərbaycan repinin tanınmış simalarının treklərini playlistinə əlavə edib. Əsasən lirik janra yaxınlıq hiss etsə də, repin fərqli üslublarını dinləyərək öz musiqi zövqünü formalaşdırıb.
Yaradıcılığın başlanğıcı
İlk rep mətnini 16 yaşında lirik janrda yazıb. 2017-ci ildən etibarən özü üçün mahnı qaralamaları hazırlayıb, yazdıqlarını ailəsi və yaxın dostları ilə bölüşüb. Bu şəxsi axtarışlar sonradan ilk rəsmi paylaşımı olan “Unuduram” trekinə aparan yolun başlanğıcı olub.
“Unuduram”dan on gün sonra, 21 iyun 2024-cü ildə BadPerson ilə “Uduzdum” YouTube-da yayımlanıb; Peyman mahnının ikinci verse-ində yer alır. 30 mart 2026-cı ildə yayımlanan Sorgon ilə ortaq “Bilmirəm” isə tarixə görə onun üçüncü onlayn mahnısıdır.
